As dit ‘n wind-stil somersaand in die Eikestad is, neig mens maar om iewers op ‘n sypaadjie plaas te neem, en jou oor te gee aan die kullinere ervarings wat hier gebied word.
Dus was die sypaadjie van die nuwe plek, Europa, heel aanloklik toe ons kos soek Saterdag aand.
Die spyskaart is propvol watertand geregte. Baie Italiaans met al die pastas en pizzas, en sowaar ‘n sushi verskeidenheid wat skrik vir niks.
Die wyne op die lys is duur, die diens is maar redelik gemiddeld, en hulle sal moet sokkies ooptrek om te kompeteer met Roman’s Take Away Pizza verder in die straat af! Europa se pizzas is droog en gladnie mooi op die oog as dit voor jou neergesit word nie. En as ‘n pizza se chilli, dan verwag ek chilli. Ek kon nie eens dit opspoor nie.
Die sushi was gladnie ‘wow’ nie, en ek oordeel graag ‘n sushi sjef op die bordkuns wat in hierdie geval nie bestaan het nie.
Soos ek se, die wegneem plekke verder in die straat af, bied beter waarde vir geld, en is lekkerder.
Ek sal weer gaan, maar net as ek genooi word, en nie hoef te betaal vir daardie kos nie!
Europa
Pleinstraat
Stellenbosch
Die plek lyk altyd botleeg as ek daar verbystap. Dis jammer, want dis eintlik heel goed geleë; duidelik is hulle nie on par nie.
Heita mnr M!
En toe is hulle toe. Altyd sad as ‘n plek dit nie maak nie.