DE KELDER PLATTEKLOOF

As jy hou van 40% afslag op pizza en pasta op ‘n Woensdagaand, en nie omgee dat die kaas op jou pizza geprosesseerde kaas is nie, is De Kelder in Plattekloof die plek vir jou!  Mom remembered Melrose – en sy het my pizza daarmee gesmeer, YUK!!!

Dis nou AS die regte pizza wat jy bestel het, by jou uitkom!  Myne was heel verkeerd, al is die bestelling neergeskryf, en die tafel was feitlik klaar met hulle kos toe my regte pizza opdaag.  Snaaks dat kelners nie meer geleer word om verskoning te maak vir hulle foute nie.  Gladnie.  Niks!  Swak sou ek reken.

Die pizza was goor.  Ek eet by Simonsrust Spar die beste pizzas ooit, en hierdie chef kan daar gaan leer.

Die res van die kos was heel smaaklik (ja, ek het happies hier en daar gesteel) en duidelik word die special vir die dag met afskeep bestanddele voorberei.  

Gaan loer gerus.  Dis maar ‘n pub gevoel met pub kos.  Ek is spyt dat ons nie liewers by Cattle Baron langsaan ingeloop het nie.

 

DE KELDER PLATTEKLOOF

021 9111024

GENKI

Toe ek my eerste hap van die calamari legs neem, kon ek nie help om in my geestesoog te sien hoe Skoorlief ‘n seekat op die rotse die ewigheid inhelp nie!  Nietemin het ons besluit om dalk vanjaar ons eie seekat so te probeer bewerk – mens weet nooit, as hulle dit in Sardinie kan hang oor ‘n wasgoedlyn om winddroog te word, en dit dan heerlik op ‘n rooster en warm kole te toor tot smulkos, wat keer ons?  Mind you, is onse 8-potiges dieselfde as Sardinie se 8-potiges??

Genki is ‘n sushi en Japanese Tapas Bar wat darem opmaak vir die leemte wat The Fishmonger gelaat het, nadat hebsug en magsbeheptheid hulle uit hulle plek gedryf het (pasop, die Broederbonders is nog met ons).

Jy kan lekker sit en eet aan hulle spyskaart se offergawes, maar die sushi porsies is effe teleurstellend wat die grootte betref.  Die kos word smaakvol voorberei en is sommer mooi op die oog. 

Die stryd is dus half gewonne wanneer die kos by die tafel kom.  Ek moet hulle komplimenteer op die vinnige diens.  Veral as mens honger of haastig is.

Die diens is heel vriendelik, die ambiance fantasties, veral op ‘n mooi aand in die oopte onder die platane, en die kos gladnie sleg nie.

Gryp ‘n geliefde en sit af na Genki!  Dis net jammer hulle is nie Sondae oop nie – dis gewoonlik wanneer so ‘n plek my sou kon help om my geld uit te leef.

 

GENKI

De Wet Sentrum Quad (agterkant van die Spur)

021 8875699

EASTERN FOOD BAZAAR

Stap jy oor middagete een van die twee ingange van die Eastern Food Bazaar raak, wonder jy of daar ‘n veiling van ‘n soort binne aan’t gebeure is.  Dis mense in toue en almal staar na dieselfde kant en beduie en dit raas en mens wonder of jy as Boeregesiggie welkom sal wees daar binne!

Jy is.  Heeltemal.  Dis die vreemdste eetplek wat ek in ‘n lang tyd raakgestap het, en ek moes byna ‘n taxi kry om my na my kar te neem, soveel het ek geeet vir onder R50!!!

Gaan waar die geure jou lei, en val in die tou in.  Bestel waarvoor jy lus is, en neem jou betaalstrokie na die toonbank en die chefs maak seker jou dis word vars voorberei.  Gryp ‘n tafel, en val weg aan ‘n smaaksensasie in ‘n eiesoortige spasie.

Moenie hierdie geleentheid misloop om heerlike Oosterse kosse te probeer nie.  En as jy nie vol is nie, kan jy altyd ‘n 10-stuks Falafel balletjies met verskeie souse gaan kry teen ‘n skamele R10 en hoop jy is naby genoeg parkeer!

 

Eastern Food Bazaar

96 Longmarket Street

Kaapstad

021 4612458

MANOUCHE – STELLENBOSCH

Kyk, as daar nou een plek is wat lyk of hy altyd uit sy nate bars, is dit Manouche in Andringastraat.  Ek dink die arme Cape to Cuba kwyl van viesgeit as hulle oor die pad moet vaskyk in die laggende eters.  (Gepraat van C2C, ek dink die oorspronklike een in Kalkbaai is die beste.  Hierdie een in my dorp het eenvoudig nie die atmosfeer nie, en dis nou maar wors)

So kry ons darem die ander aand ‘n tafel (jy moet bespreek) om ook te gaan kyk waaroor alles gaan.  Rondom ons eet die mense aan hompe kos.  Letterlik hompe!

Ons bestel ‘n platter van ‘n soort, en kom daar 3 plat brode en dips aan dat ek rondkyk of mense nie hierdie keer na ONS staar nie….my katte (en ek het ‘n paar grotes) kan opgekrul op een van daai brode slaap!  Mensig, dit was lekker.  En die res van die kos op die platter was net so lekker.  Jy knoffel nog lank daarna, maar dis immers waaroor my lewe gaan… eet en knoffel.  Of knoffel eet.

Enigste skok was met die kurkfooi, of corcage soos die ingilse dit roep.

Om darem R45 kurkfooi vir ‘n bottel wyn te betaal is in my oe ‘n skande, ‘n openblote diefstal en wragtag die moeite werd om mense teen te waarsku!

Ek het elkgeval ‘n pyn oor kurkfooie.  Toe Fishmonger nog met ons was, het hulle ‘n beleid gehad om geen kurkfooi te vra nie.  Weet jy hoe heerlik was dit?  En dis nie asof elke restaurant ganger self wyn gebring het nie.  O nee, daar is wyn verkoop soos jy nie sal glo nie.

Daarom:  WEES GEWAARSKU, MANOUCHE IS ONREGVERDIG DUUR EN STEEL JOU GELD AS JY JOU EIE WYN DAAR WIL NUTTIG.  Dis immers die doel van hierdie blad – om mense te vertel.  Daar het jy dit nou.  Jy is vertel.

Sit af Andringastraat toe vir ‘n kat-slaap-size platbrood en lekker dips.  Bestel water.  Eet lekker!

 

Manouche

Andringastraat

Stellenbosch

JAKARTA (DJAKARTA) RESTAURANT – POLKADRAAI PAD

Is jy lus vir ‘n anderwereldse ervaring? Pak jou maats of jou geliefde in, en ry na Jakarta Restaurant, agter die aarbei plaas op die Polkadraai Pad, net buite Stellenbosch.

Wat ‘n vinnige besoek moes wees, het geeindig in ‘n laatnag met heerlike gesprekke tussen ons en die eienaars.

Die kos is ‘n avontuur.  ‘n Reis na die vreemde, en tog ook nie.  Hier word kos bedien wat jy staaaaaadig moet eet.  Met tyd tussen-in vir lekker gesels met jou tafelmaats.   En as dit nie te besig is nie, loer die eienaars in en vul jou aand aan met vertellings van ver plekke, en dalk ‘n sopie uit die hemel.

Kos word voorgesit op ‘n warmplaat, en aan jou verduidelik voordat jy die verskillende teksture en wonderlike smake op rys geniet.  (nee, dis nie soos sommige sushi plekke met buffets waar jy volgestop word met klein stukkies vis, toegedraai in ‘n hoop rys nie – kyk uit vir daai scam, jy eet R110 se rys, ipv heerlike vis!  En wie kan R110 se rys verorber?  Nie ek nie!)

Die decor is absoluut verruklik.  Alles daar is te koop (behalwe die hond – ek het probeer!)

Die kos is regtig ‘n reis.  Ek kan nie veel meer daaroor skryf nie.  Gaan probeer self.

Hulle webwerf is wonderlik.  Eenvoudig en sonder fieterjasies.  Met ‘n kaart en die GPS koordinate.

 

Jakarta Restaurant

La Provance Pad (agter die Polkadraai Padstal)

021 8813243

RESTAURANT BARRIQUE

Gee jou vosperd vrye teuels en laat hom draf in die rgting van Restaurant Barrique op die Vredenheim Landgoed net so buite Stellenbosch.  Jip, daar waar die Gemsbokke en die Volstruise rondloop.

Ek hou daarvan om in die winter daar te gaan eet, want die kos is heilsaam en heerlik.  Een van die beste lynvis en calamari geregte wat ek ooit gehad het, is uit Barrique se kombuis getoor.

Moenie haastig wees nie.  Pak ‘n goeie bottel wyn in, of koop wyn van hulle wynlys (kurkfooi is R20), neem ‘n goeie geselsmaat of ‘n liewe geliefde, en gaan sit agteroor en eet lekker.

Ek was nog nooit teleurgesteld met wat hulle bied nie, en alles is vars en smaakvol voorberei.  En hulle beesstert is alom bekend!

 

Restaurant Barrique

Vredenheim Landgoed

021 881 3001

CELEBRATE – STELLENBOSCH

Julian’s is dood.  Die vriendelik blondes het verkoop en gewaai.  Of so lyk dit…

Nou staan daar ‘n nuwe naam op ‘n ou spot, en ‘n hideous kleur bar by die ingang wat met GOUE paaltjies omlyn is.

Moenie ‘n fout maak nie – die res van die interior is nogal mooi.  Enige plek wat ‘n pic van Marilyn Monroe teen die muur het, kry ‘n thumbs-up van my.

Maar soos my geliefde uiter:  dit vat ‘n regte swak chef om lasagne op te neuk! 

Loop maar draaie om die kos.  My lasagne was die swakste wat ek in my hele bestaan gehad het.  Die maalvleis se aanbrandsels is met ‘n oordaad tamatie pasta probeer verbloem, terwyl ‘n skrapse pasta lagie bo-op, met die een of ander sous wat na ontvriesing soos platgerolde witbrood gelyk, geproe en die tekstuur gehad het, dit as die volmaakte f*kop afgerond het.

Lasagne word ge’layer’ en met regte witsous tusssen-in gemaak, propvol pasta en borrelende kaas.  Nie ‘n klein stukkie kurkdroe ietsie in die middel van ‘n bord, neffens die ou look Julian’s slaai nie!

En om ‘n sout spanakopita met tamatie en uie smoor wat soeter as ‘n pot heuning is, toe te gooi, laat my wonder of Hilda nie dalk in die kombuis werk en haar soet/suur kombinasies op die kliente toets nie.

Nee wat, vir daardie prys loop ek sommer Roman’s toe en koop lasagne daar.  Dit lyk beter, smaak beter, en kos baie minder.

Ek sal gaan koffie drink by die tafels oorgetrek met ‘n nagemaakte slangvel effek, maar ek eet by my eie huis.

 

CELEBRATE

Andringastraat

Stellenbosch

CHECKERS STELLENBOSCH

Chill, ek weet Checkers is nie ‘n restaurant nie, ek is ten volle daarvan bewus, maar weet julle dat sommige restaurante soms met Checkers sakke die kombuise binnegaan?  Ja!

Spesiaal vir Niel Kroese – ‘n Maandag kiekie van onze favourite winkel se rakke. 

Kyk die kiemryke souse wat versamel onder die hoenderpakkies, en bo tussen die twee pakkies hang ‘n rafeltjie van ‘n soort wat van naby lyk of daar goetertjies op groei!  In die foto is dit twee wit merkies van ‘n soort – ek koop nooit ‘n foon vir die kamera nie, daarom die kwaliteit.  En dan het ek nog gebewe van omgekraptheid ook, so die foto’s is nie uitvoer kwaliteit nie!

Erg disturbing, die winkel onder blanke bestuur…

CHECKERS STELLENBOSCH

Stellenbosch

Waar anders!

NINO’S – ACCESS PARK

Min dinge wat ek kan kwytraak oor Nino’s, behalwe dat ek wens daar was kompetisie vir hierdie patetiese plek, anders as die Halaal hotdog trollie langsaan…

Jy wag jou hongerpyne weg, en as die sousbakkie lyk soos die een op die foto, stukkend en vuil, kry ek krampe in holtes waar dit SEER maak!

Eet voor jy gaan shop, en ry iewers heen om te eet na jy geshop het.  Maar pasop vir Nino’s by Access Park, want hulle is ‘n belediging vir die franchise naam!

Nino’s

Shop B32

Access Park

Kenilworth

021 6741378

HILLCREST BERRY FARM – BANHOEK VALLEI

Die Here het die aarde gemaak.  En toe maak Hy die Banhoek vallei.

En toe laat Hy my vir amper 20 jaar daar woon.

Daarom kan ek met oortuiging se dat die uitsig vanaf die Bessie Plaas se stoep, een van die mooistes is.  Maar die heel mooiste is van die berg AGTER die restaurant.  Aan sy voete het ek grootgeword.  En voor sy skoonheid het ek geswig.

Die restaurant is ‘n absolute lus vir die oog, maag en siel.  Selfs al eet jy net ‘n scone en ‘n koppie koffie, is daar min wat verkeerd kan gaan.

Wintertyd knetter die kaggel verwelkomend, en in die somer kan jy op die stoep sit en die berglug inadem.

Toe.  Glip berg-op en gaan voed jou lyf en siel.  Dis lekker.  Dis mooi.  Dis goed vir jou!

Hillcrest Berries

Tussen Stellenbosch en Franschhoek, draai links net na die Kylemore afdraai op jou regterkant (as jy van Stellenbosch ry)